ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟରେ କରୋନା ସଂକ୍ରମଣ ହାର ଦିନକୁ ଦିନ ବଢ଼ିବାରେ ଲାଗିଛି। ତେବେ ଗତକାଲି ଗୋଟିଏ ଦିନରେ ରାଜ୍ୟରୁ ୮୩ଟି କେସ୍ ସାମ୍ନାକୁ ଆସିଥିଲା। ସେହିପରି ଆଜି ସକାଳୁ ଆଉ ୧୪ ଜଣ କରୋନା ସଂକ୍ରମିତ ତଥା ସେମାନଙ୍କ କୋଭିଡ-୧୯ ରିପୋର୍ଟ ପଜିଟିଭ ଆସିଥିବା ଜଣାପଡ଼ିଛି। ସେମାନଙ୍କ ମଧ୍ୟରେ ଗଞ୍ଜାମରୁ ୧୨ ଜଣ, କେନ୍ଦ୍ରାପଡ଼ାରୁ ଜଣେ ଓ ସୁନ୍ଦରଗଡ଼ରୁ ଜଣେ ଥିବା ଜଣାପଡ଼ିଛି। ଏଥିସହ ମୋଟ ଗଞ୍ଜାମରେ କରୋନା ଆକ୍ରାନ୍ତଙ୍କ ସଂଖ୍ୟା ୧୩୭, କେନ୍ଦ୍ରାପଡ଼ାରେ ୯ ଓ ସୁନ୍ଦରଗଡ଼ରେ ୧୪ରେ ପହଞ୍ଚିଛି।
ଅପରପକ୍ଷରେ ରାଜ୍ୟରେ ବର୍ତ୍ତମାନ ସୁଦ୍ଧା ୬୩,୪୭୮ କରୋନା ଟେଷ୍ଟ ହୋଇଥିବା ବେଳେ ସେଥିରୁ ୩୯୧ଟି ପଜିଟିଭ ଆସିଛି। ସେହିପରି ୩୨୦ ଜଣ ବର୍ତ୍ତମାନ ଚିକିତ୍ସିତ ହେଉଥିବା ବେଳେ ୬୮ଜଣ ସୁସ୍ଥ ହୋଇ ଡସଚାର୍ଜ ହୋଇଛନ୍ତି ଓ ୩ ଜଣଙ୍କ ମୃତ୍ୟୁ ହୋଇଛି।
