ବାଲେଶ୍ୱର,ଏନ୍ଏନ୍ଏସ୍: ବାଲେଶ୍ଵର ଜିଲ୍ଲା ଶେରଗଡ଼ ଜଗନ୍ନାଥ ପେଟ୍ରୋଲ ପମ୍ଫ ନିକଟରେ ରବିବାର ସକାଳ ୫ଟାରେ ଏକ ପର୍ୟ୍ୟଟକ ଗାଡି ଦୁର୍ଘଟଣାଗ୍ରସ୍ତ ହେବାରୁ ୩ ଜଣଙ୍କର ମୃତ୍ୟୁ ଘଟିଛି। ସେହିପରି ୧୬ଜଣ ଆହତ ହୋଛନ୍ତି। ଆହତମାନଙ୍କୁ ସେଠାରୁ ଉଦ୍ଧାର କରାଯାଇ ବାଲେଶ୍ଵର ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନା ଅନୁସାରେ ପୁରୀର ବାଲିସାହିରୁ ଏକ ଟ୍ରଭେଲର ଗାଡିରେ ୨୫ ଜଣ ପର୍ୟ୍ୟଟକ ମୟୁରଭଞ୍ଜର ଦେବକୁଣ୍ଡ ଯାଉଥିବା ବେଳେ ଏହି ଦୁର୍ଘଟଣା ଘଟିଛି । ରାସ୍ତା କଡ଼ରେ ଠିଆ ହୋଇଥିବା ଏକ ଟ୍ରକକୁ ଟ୍ରଭେଲର ଗାଡିଟି ପଛପଟୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ୩ଜଣଙ୍କର ମୃତ୍ୟୁ ହୋଇଥିଲା। ସେହିପରି ଅନ୍ୟମାନେ ମଧ୍ୟ ଆହତ ହୋଇଛନ୍ତି। ମୃତକମାନେ ହେଲେ ତ୍ରିନାଥ ଦାସ(୪୫), ବାପି ମିଶ୍ର(୪୦) ଏବଂ ଗଙ୍ଗାଧର ଦାସ(୮୦)।
