ଜୁଆ ଆଡ୍ଡା ଉପରେ ଚଢ଼ଉ , ୧୧ ଜୁଆଡି ଗିରଫ

ବଲାଙ୍ଗିର,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ସଦର ଥାନା ଅନ୍ତର୍ଗତ ମାହାରପାଲି ଜଙ୍ଗଲ ଭିତରେ ଜୁଆଖେଳ ଚାଲିଥିବା ବେଳେ ପୁଲିସ ଚଢ଼ଉ କରି ୧୧ ଜଣ ଜୁଆଡିଙ୍କୁ ଗିରଫ କରିଛି। ପୁଲିସ ସେମାନଙ୍କ ନିକଟରୁ ୮୫୯୦ ଟଙ୍କା , ୮ ମୋଟର ସାଇକଲ ଓ ଜୁଆ ଖେଳରେ ବ୍ୟବହାର ହେଉଥିବା ଘୁଡୁଘୁଡୁ ପଟି ଓ ଗୋଟି ଜବତ କରିଛି।

ଗିରଫ ହୋଇଥିବା ଅଭିଯୁକ୍ତମାନେ ହେଲେ ଲୋଇସିଂହା ଥାନା ଆଗଲପୁରର କୃଷ୍ଣ ମେହେର, ଯୋଗୀନ୍ଦ୍ର ମେହେର, ସଦରଥାନା ଲଚ୍ଚକିବାହାଲର ତ୍ରିନାଥ ସାହୁ, ବରଗଡ଼ ଜିଲ୍ଲା ଗାଇସିଲେଟ ଥାନା ଅଇଁଲବାହାଲର ସୁରେନ୍ଦ୍ର ବାଗ, ଲୋଇସିଂହା ଥାନା ଝାରମୁଣ୍ଡାର ସୁଶୀଲ କୁମାର ବେହେରା, ସୋନପୁର ଜିଲ୍ଲା ଡୁଙ୍ଗୁରିପାଲିର ବିପିନ ସାହୁ, ସଦରଥାନା ମାହାରପାଲିର ମହାନନ୍ଦ ପୁଟେଲ, ଲୋଇସିଂହା ଥାନା ଝାରମୁଣ୍ଡାର ସୁରେନ୍ଦ୍ର କନେ୍ଧ, ସଦରଥାନା ସରଗଜର ଚନ୍ଦ୍ରମଣୀ ନାଗ, ଲେଇସିଂହା ଥାନା ଝାରମୁଣ୍ଡାର ମନୋଜ ଅଗ୍ରୱାଲ ଓ ବରଗଡ଼ ଜିଲ୍ଲା ଗାଇସିଲେଟ ଥାନା ଜଗୁଆପାଟ ଗାଁର ରାହୁଲ ମହାନନ୍ଦ। ସମସ୍ତ ଅଭିଯୁକ୍ତଙ୍କୁ ଆଜି କୋର୍ଟ ଚାଲାଣ କରାଯିବ ବୋଲି ପୁଲିସ ସୂଚନା ଦେଇଛି।