ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟରେ ଆଉ ୬ କରୋନା ପଜିଟିଭ ଚିହ୍ନଟ ହୋଇଥିବା ଆଜି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ୱେବସାଇଟରେ ଦର୍ଶାଯାଇଛି। ଏଥିସହ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୭୪ରେ ପହଞ୍ଚିଛି। ସେହିପରି ସେଥିରୁ ଆକ୍ଟିଭ କେସ୍ ୪୯, ସୁସ୍ଥ ହୋଇଛନ୍ତି ୨୪ ହୋଇଥିବା ବେଳେ ଜଣଙ୍କର ମୃତ୍ୟୁ ହୋଇଛି।
ତେବେ ଉକ୍ତ ୬ ଜଣ କରୋନା ଆକ୍ରାନ୍ତଙ୍କ ସମ୍ପର୍କରେ ଅନ୍ୟ କୌଣସି ତଥ୍ୟ ପ୍ରଦାନ କରାଯାଇନାହିିଁ। ସେହିପରି ବର୍ତ୍ତମାନ ସୁଦ୍ଧା ୧୦,୬୪୧ ଜଣଙ୍କର ନମୁନା ପରୀକ୍ଷା କରାଯାଇଛି। ତେବେ ୱେବସାଇଟରେ ଦର୍ଶାଯାଇଥିବା ମ୍ୟାପ୍ ଅନୁସାରେ ବର୍ତ୍ତମାନ କରୋନା ଆକ୍ରାନ୍ତଙ୍କ ମଧ୍ୟରେ ଯାଜପୁରର ୫ ଜଣ ବୋଲି ଅନୁମାନ ହେଉଛି।
