ଝାରସୁଗୁଡା,ଏନ୍ଏନ୍ଏସ୍ : ଝାରସୁଗୁଡା ଜିଲ୍ଲାର ୨ ଟି ସ୍ଥାନରେ ଅବକାରୀ ବିଭାଗ ଓ ପୁଲିସ ପହଂଚି ୧୫୦ ଲିଟର ଦେଶୀ ମଦ, ଗୋଟିଏ ମାରୁତି କାର ଜବତ କରିବା ସହ ୨ ଜଣ ବ୍ୟକ୍ତିଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ଦ୍ୱୟ ଦେହେରି ଢିପା ଗ୍ରାମର ସଞ୍ଜୟ ବେହେରା(୩୭) ଓ ଲୁଆବଗା ଗ୍ରାମର ଚୁଡାମଣି ମେହେର(୫୭) ବୋଲି ଜଣା ପଡିଛି ।
ସୂଚନା ଅନୁଯାୟୀ, ସୋମବାର ସଂଜୟ ବେହେରା ଲଖନପୁର ବ୍ଲକ ପଥିଣ୍ଡା ଓ ଦେହେରିଢିବା ଅଂଚଳରେ ବୋଆଇନ ଭାବରେ ମଦ ଚାଲାଣ କରୁଥିବାବେଳେ ଅବକାରୀ ବିଭାଗ ହାତରେ ଧରା ପଡ଼ିଥିଲେ । ଅବକାରୀ ବିଭାଗ ସଂଜୟ ପାଖରେ ଥିବା ୭୦ ଲିଟର ଦେଶୀ ମଦ ଏହି ମଦ କାରବାରରେ ବ୍ୟବହୃତ ମାରୁକି ସୁଜୁକି କାରକୁ ଜବତ କରିଛି । ସେହିପରି ଲୁଆବଗା ଅଂଚଳରେ ମଦ ବେପାର କରୁଥିବା ଚୁଡାମଣି ମେହେରକୁ ମଧ୍ୟ ପୁଲିସ ଗିରଫ କରିବା ସହ ତାଙ୍କ ପାଖରେ ଥିବା ୮୦ ଲିଟର ଦେଶୀ ମଦକୁ ଜବତ କରିଛି ।
