ହାଟଡିହି,ଏନ୍ଏନ୍ଏସ୍: କେନ୍ଦୁଝର ଜିଲ୍ଲା ହାଟଡିହି ବ୍ଲକ୍ ହାବଳେଶ୍ଵର ପଞ୍ଚାୟତ ଡ଼ିମିରିଆ ଗ୍ରାମରେ ଗ୍ୟାସ ଟାଙ୍କି ଫାଟି ୧୨ ବଖରା ଘର ଜଳି ଯାଇଛି। ଖବରରୁ ଜଣାଯାଇଛି ଯେ ସୁବାସ ପ୍ରଧାନଙ୍କ ଘରକୁ ଲାଗି ନିଜର ଏକ ଦୋକାନ ଅଛି। ଗ୍ୟାସ ଯୋଗେ ରୋଷଇ କରୁଥିବା ବେଳେ ଦୋକାନ ଘରେ ଥିବା ପେଟ୍ରୋଲରେ ନିଆଁ ଲାଗିଯାଇଥିଲା।
ସେହି ସମୟରେ ସେଠାରେ ଏକ ଗ୍ୟାସ ଟାଙ୍କି ଥିଲା। ଗ୍ୟାସ ଟାଙ୍କିଟି ନିଆଁ ସଂସ୍ପର୍ଶରେ ଆସି ଫାଟି ଯିବାରୁ ଭୟାବହ ପରିସ୍ଥିତି ସୃଷ୍ଟି ହୋଇଥିଲା। ଅଗ୍ନିକାଣ୍ଡରେ ସୁବାସ ପ୍ରଧାନ, ଲକ୍ଷ୍ମଣ ପ୍ରଧାନ, ଖଗେଶ୍ୱର ପ୍ରଧାନ, ସୁରେନ୍ଦ୍ର ପ୍ରଧାନଙ୍କର ୧୨ ବଖରା ଘର ପୋଡିଯାଇଛି।
ସେହିପରି ସୁବାସ ପ୍ରଧାନ ଝିଅ ବାହାଘର ପାଇଁ ରଖି ଥିବା ଘର କରଣା ଜିନିଷ ଓ ନଗଦ ଦେଢ଼ ଲକ୍ଷ ଟଙ୍କା ମଧ୍ୟ ପୋଡି ଯାଇଥିବା ପରିବାର ଲୋକ କହିଛନ୍ତି। ହାଟଡିହି ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି।
