ଜଗତସିଂହପୁର,ଏନ୍ଏନ୍ଏସ୍: ଶୁୁକ୍ରବାର ରାତ୍ର ୯ଘ ସମୟରେ ବାଲିକୁଦା ଥାନା ଅନ୍ତର୍ଗତ ଅଳାବୋର ଠାରେ ଦୁଇ ଗୋଷ୍ଠୀ ମୁହାଁ ମୁହିଁ ହୋଇ ଗୁଳିକାଣ୍ଡ ଘଟିଛି। ଏହି ଗୁଳିକାଣ୍ଡରେ ବାଲିକୁଦା ଥାନା ଅନ୍ତର୍ଗତ ବାଲିସାହି ଗ୍ରାମର ଦିବ୍ୟଜ୍ୟୋତି ବିଶ୍ୱାଳଙ୍କ ବାମ ଜଙ୍ଘରେ ଏକ ଗୁଳି ବାଜି ଜଙ୍ଘର ବିପରିତ ପାଶ୍ୱର୍ରେ ବାହାରି ଚାଲିଯାଇ ଘଟଣା ସ୍ଥଳରେ ପ୍ରଚୁର ରକ୍ତ ଶ୍ରାବ ହେବା ନେଇ ଘଟଣା ସ୍ଥଳରେ ଗୁରୁତର ହୋଇ ପଡିଥିବା ଜଣାଯାଇଛି।
ଗୁରୁତର ଦିବ୍ୟଜ୍ୟୋତିଙ୍କୁ ତାର ସମର୍ଥକ ମାନେ ଘଟଣା ସ୍ଥଳରୁ ଉଦ୍ଧାର କରି ଜଗତସିଂହପୁର ମୁଖ୍ୟ ଚିକିତ୍ସାଳୟକୁ ନେଇ ଆସିଥିଲେ। ତେବେ ଜଗତସିଂହପୁର ସଦର ଆଇ.ଆଇ.ସି ରଜନୀକାନ୍ତ ମିଶ୍ର ଓ ପୁଲିସ ଟିମ୍ ସୁଚନା ପାଇଁ ମୁଖ୍ୟ ଚିକିତ୍ସାଳୟରେ ପହଂଚି ଘଟଣା ସମ୍ପର୍କରେ ଛାନଭିନ୍ କରିଛନନ୍ତି। ଅପର ପକ୍ଷରେ ଗୁଳିମାଡ ଖାଇ ଥିବା ଯୁବକ ଦିବ୍ୟଜ୍ୟୋତି ଅବସ୍ଥା ଗୁରୁତର ଥିବା ନେଇ ଜଗତସିଂହପୁର ଡାକ୍ତର ଦିବ୍ୟଜ୍ୟୋତିଙ୍କୁ ପ୍ରାଥମିକ ଚିକିତ୍ସା କରାଇ କଟକ ସ୍ଥାନାନ୍ତର କରି ଦେଇଛନ୍ତି।
