ପରିବାର ସହ ଭୋଟ ଦେଲେ ଦୀପାଳି

ଝାରସୁଗୁଡ଼ା,ଏନ୍‌ଏନ୍‌ଏସ୍‌: ଝାରସୁଗୁଡ଼ା ଉପନିର୍ବାଚନ ଭୋଟ ପ୍ରକ୍ରିୟା ଜାରି ରହିଥିବାବେଳେ ବିଜେଡି ପ୍ରାର୍ଥୀ ଦୀପାଳି ଦାସ, ତାଙ୍କ ଭାଇ ବିଶାଳ ଦାସ ଓ ମା’ ମୀନତି ଦାସ ମତଦାନ ସାବ୍ୟସ୍ତ କରିଛନ୍ତି । ଝାରସୁଗୁଡ଼ା ମ୍ୟୁନିସିପାଲିଟି ୧ନଂ ୱାର୍ଡର ବୁଥ ନଂ ୩୪ରେ ଦୀପାଳି ଦାଶ ଏବଂ ତାଙ୍କ ଭାଇ ଓ ମା’ ୩୩ ନମ୍ବର ବୁଥରେ ଭୋଟ ଦେଇଛନ୍ତି । ଏହି ପରିପ୍ରେକ୍ଷୀରେ ଏହା ଆମ ପରିବାର ପାଇଁ ବହୁତ ଇମୋସ୍ନାଲର ଦିନ ବୋଲି ଦୀପାଳି କହିଛନ୍ତି ।

ଝାରସୁଗୁଡ଼ାରେ ଆଜି ସକାଳ ୭ଟାରୁ ଭୋଟ ଗ୍ରହଣ ପ୍ରକ୍ରିୟା ଆରମ୍ଭ ହୋଇଯାଇଛି । ବିଜେପି ପ୍ରାର୍ଥୀ ଟଙ୍କଧର ତ୍ରିପାଠୀ ୧୯ ନଂ ୱାର୍ଡ ଗୁଜରାତି ସ୍କୁଲ ୭୦ନଂ ବୁଥରେ ଭୋଟ ଦେଇଛନ୍ତି । ଏଥିସହିତ ଅଧିକରୁ ଅଧିକ ଭୋଟର ଆସି ମତଦାନ କରିବାକୁ ଟଙ୍କଧର କହିଛନ୍ତି ।