ଭାରସାମ୍ୟ ହରାଇ କଲଭର୍ଟ ତଳକୁ ଖସି ପଡ଼ିଲା ବୋଲେରୋ

କୋରୁକୋଣ୍ଡା,ଏନ୍ଏନ୍ଏସ୍: ମାଲକାନଗିରି ଜିଲ୍ଲା ଓରକେଲ ଥାନା ଅନ୍ତର୍ଗତ ପୁରୁଣା ଚିତାପାରି ନିକଟସ୍ଥ ପୂଜାରୀଗୁଡା ଗ୍ରାମରେ ଥିବା ଏକ କଲଭର୍ଟ ନିକଟରେ ଆଜି ସକାଳୁ ଏକ ମହେନ୍ଦ୍ରା ବୋଲେରୋ(ଓଡି-୦୨-ଜେ-୯୩୭୭) ଭାରସାମ୍ୟ ହରାଇ କଲର୍ଭଟ ତଳକୁ ଓଲଟି ପଡିଛି। ତେବେ ଉକ୍ତ ଗାଡ଼ିଟି କୋଭିଡ-୧୯ ଡ୍ୟୁଟିରେ ଲାଗିଥିବା ଜଣାପଡିଛି।

ତେବେ ଉକ୍ତ ଗାଡିଟି ସକାଳୁ କୋରୁକୋଣ୍ଡାରୁ ବାହାରି ବାଲିମେଳାରୁ କିଛି ମେଡିକାଲ ଷ୍ଟାଫ ନେଇ ଡାଇଙ୍କ-୩ ଅଭିମୁଖେ ଯିବାର ଥିଲା। କିନ୍ତୁ ବାଟରେ ଏପରି ଦୁର୍ଘଟଣାର ଶିକାର ହୋଇ ଗାଡିଟି କଲଭର୍ଟ ତଳକୁ ଖସିଯାଇଥିଲା।
ଏହି ସମୟରେ ଗାଡିଟିରେ କେବଳ ଡ୍ରାଇଭର ଥିବା ଜଣାପଡିଛି। ଉକ୍ତ ଡ୍ରାଇଭରର ନାମ ପୁରନ୍ଧର ମୁଦୁଲି(୩୦)।

ଗାଡିଟି କୋରୁକୋଣ୍ଡାର ହିମାଂଶୁ ଭୂଷଣ ଜେଟିଙ୍କର ବୋଲି ଜଣାପଡିଛି। ତେବେ ଉକ୍ତ ଡ୍ରାଇଭରଟି ବର୍ତ୍ତମାନ ଫେରାର ଥିବା ଜଣାପଡିଛି।